Yng Nghwm Idwal, defnyddir cerrig i roi gwyneb ar y llwybrau. Mae rhinweddau daearegol Cwm Idwal o bwysigrwydd rhyngwladol, ac o’r herwydd ni ddefnyddir cerrig o’r safle. Mae cerrig addas yn cael eu prynu a’u cludo i’r darn o lwybr sydd angen ei drwsio. Gwneir hyn gan amlaf gan hofrennydd, sy’n costio tua £900 yr awr.
Mae gan Warchodfa Natur Genedlaethol Cwm Idwal gyllid blynyddol ar gyfer gwaith cyfalaf, fel adfer llwybrau. Gall y cyllid hwn newid yn flynyddol, felly mae’n rhaid blaenoriaethu gwaith llwybrau. Er mwyn darganfod ble mae’r erydu ar ei waethaf, rhaid monitro’r llwybrau yn gyson, a drwy wneud yr arolygon hyn cawn weld pa ddarnau o lwybr sydd angen eu hadfer.
Wrth benderfynu pa ddarn o lwybr sy’n cael ei adfer gyntaf rhaid ystyried y canlynol:
- Pwysau cerdded blynyddol ar y llwybr / beth yw’r peryg fod yr erydiad yn ehangu.
- Bygythiad erydu i rywogaethau.
- Bygythiad erydu i gynefinoedd.
- Bygythiad erydu i gynefinoedd.
- Bygythiad erydu i gynefinoedd.
- Diogelwch y cyhoedd.